Українська та зарубіжна поезія

Вірші на українській мові







Vertrauliche Zwiesprach

“Du mei’ herzliab’s Schotzerl,
No, sog mer nuar grod,
Ob dir noch koan ondra
In d’Aug’n g’stochen hot?”

“Dann lob a mei’ Bua glei
Dich fragen vor oll’n,
Hot dir eppa nia noch
Koa’ ondri nit g’foll’n?”

“Ei, schau, du mei’ Dirndal
Und hatt’s dos a thon,
Dir ziemt do koa Neugier,
I bin jo a Mon!”

“Und i bin a Dirndal
Frei ledig allweg’n,
Und liegt dir on mir, is
Om ondern nix g’leg’n!”

“Es is a im Grund doch
A dalkatas Frog’n,
Mer scheut sich vorm Lug’n und
Mog d’ Wahrheit nit sog’n.”

“No, sixtas, mei’ Buabl,
Dos moan’ i holt a,
Und liabt ma sich recht, g’schiacht’s
Doch ollwal zu zwa!”

1 Star2 Stars3 Stars4 Stars5 Stars (1 votes, average: 5,00 out of 5)


Vertrauliche Zwiesprach - LUDWIG ANZENGRUBER