Erklarung beyder hie furgemalter Teutscher Tugenden
Gedicht von Johann Friedrich Fischart
Standthafft vnd Treu, vnd Treu vnd Standschafft,
Die machen eyn Recht Teutsch verwandschafft:
Bestandige Treuhertzigkeyt
Vnd Treuhertzig Bestandigkeyt,
Wann die kommen zur Eynigkeyt,
So widerstehen sie allem Leyd;
Daher vnfer Vorfahren frei
Durch Redliche Standhaffte Treu
Schutzten jr Freiheyt, Land vnd Leut,
Ja weiterten jhr Land auch weit,
Wie Lewen thaten sie bestan,
Wann sie eyn Feind that greiffen an,
Vnd wann sie dann warn angegriffen,
Die Glegenheyt sie nicht verschlieffen,
Sonder dem Feind sie starck nachsetzten,
Auff dab sie jre Schart aubwetzten,
Gleich wie eyn Adler starck nachziehet
Eym Raub, der jm mit list entfliehet.
Ja wie eyn Hund seins Herren Gut,
Darauff er ligt vnd halts inn Hut,
Wider Frembde Treulich verwacht,
Also hatten sie auch inn acht
Das Land, welchs jhn Gott hat verliehen,
Darinn jr Kinder auffzuziehen.
Was nun euch Frommen Teutschen heut,
Die von so Frommen Eltern seit,
Auch nunmals will zuthun geburen,
Solt jr hiebei zu Gmut kurtz furen.
(1 votes, average: 5,00 out of 5)