Похвалу принесу
Похвалу принесу
Сладкому Іисусу,
Бо той моя слава
И всЂм єсть похвала.
Іисусе прекрасный!
В ТроицЂ славимый,
ВсЂм непостижимый,
Архангелов творче,
От бЂсов поборче,
Іисусе прекрасный!
Монахом радосте,
Ієреом сладосте,
Дай же и мнЂ радость,
Спасенія сладость,
Іисусе прекрасный!
Не отрини мене,
Святе, взищи мене,
В грЂхах лежащаго,
Не востающаго,
Іисусе прекрасный!
Вышних создателю,
Земных искупителю,
Не забуди мене,
Не погуби мене,
Іисусе прекрасный!
О царю преславный,
Агнче непорочный,
Надеждо во смерти,
Живот всЂм по смерти,
Іисусе прекрасный!
Одеждо краснаго
Отца небеснаго,
ОдЂй мя твоєю
Ласкою твоєю,
Іисусе прекрасный!
Скорбящим радосте
И жезле старости,
Дай же мнЂ утЂху –
В подвизех успЂху,
Іисусе прекрасный!
Не остави мене,
Творче, взыщи мене,
Пастырю всещедрый
И премилосердый,
Іисусе прекрасный!
Не по дЂлом моим,
По щедротам твоим
Суди мене, пане,
Вышних сил гетмане,
Іисусе прекрасный!
Прійми се малоє
Моленіє моє
И скоро потщися,
На мя умилися,
Іисусе прекрасный!
Останную мольбу
К тебЂ приношаю
И смиренным сердцем
До тебе взываю,
Іисусе прекрасный!
(1 votes, average: 5,00 out of 5)