Бытія, XV
Ною обважившуся сын ся Хам ругаєт,
Сим же сын со Афетом нагость покрываєт (1).
(1) У рукописі було “покрывают”; “ю” кіновар’ю виправлено на “є”, певне, щоб зберегти риму.
Цар Давид гуслы держить, не всує играєт,
Славу Богу и тЂмы из уст воздаваєт.
На крестЂ мой сладчайшій Ісус протяженный –
Лук то на стрЂляніє вижу напряженный;
Пять язв в нем – суть то пять стрЂл, готовых караты;
Но на кого, Христе мой, будеши стрЂляти?
На врага ли? То аз враг, на мя сія стрЂлы
Испусти, дабы ся в сердце моє ся унзили.
ТЂми сладцЂ язвенный грЂху умрЂт мушу,
Ты же в любов плЂниши сердце ми и душу.
Призри на лице Христа твоєго Ісуса,
Єже сам изобрази, прилож до убруса,
На желаніє вЂрно царя Агавара,
Єму же посла вмЂсто многоцЂнна дара.
Мнози царіє прежде желаше то зрЂти,
Но не могоша сего дара получити.
Блаженная очеса царя православна
Се зде зряще и в небЂ узрят Бога явна,
В трех лицєх єдинаго царя над царами,
Єго же зрЂти царск єсть вЂнец над вЂнцами.
В столпЂ облачном к людєм глаголавый
Столпа огненна вожда огнЂм давый.
К столпу каменну от тЂх привязася,
За добродЂйство от злых злЂ воздася.
К древу вяжут лозу винограда,
Инако лозу божественна сада –
К столпу каменну лютЂ привязаша,
Плоть, яко грозд здрЂлу, нещадно рЂзаша.
Незлобіє Господнє в ярость премЂнися,
Понеже Церков єго купли наполнися.
Вервом гонит торжников з дому молитвенна,
Да не будет з куплею молитва смЂшенна.
О, аще бы я†зде пришел єси, Христе,
Изгнал бы и отсюду всЂх таковых исте.
Торжников, иже входят на молитву к Богу,
Не молбиже, но куплю содЂвают многу,
Друг к другу бесЂдуєт, что где купил бяше,
Что предал, что приобрЂл, торг добр имЂяше,
ТЂх бы всЂх єдним бичем изгнати
Из церкве – молитвы єст зде мЂсто, не купли гадати,
МЂста торжников в церкви зря опроверженны
От Господа, и вся вон купли изверженны,
Убойся, человЂче, в церков входящій:
И не молящійся, но с други молвящшій:
Да не постраждеши ты лютЂйшоє горе –
Опровержет тя Господь с домом, с мЂстом вскоре.
(3 votes, average: 4,00 out of 5)