Українська та зарубіжна поезія

Вірші на українській мові







Der helden minne ir klage

Der helden minne ir klage
du sunge ie gên dem tage,
Daz sûre nâch dem suezen,
swer minne und wîplich gruezen
alsô enpfienc,
daz si sich muosen scheiden,-
swaz dû dô rite in beiden,
dô ûf gienc
Der morgensterne, wahtaere, swîc,
dâ von niiht sinc.

Swer pfliget oder ie gepflac,
daz er bî lieben wîben lac,
Den merkaeren unverborgen,
der darf niht durch den morgen
dannen streben.
er mac des tages erbeiten.
man darf in niht ûz leiten
ûf sîn leben.
Ein offeniu sueze wirtes wip
kan solhe minne geben.

1 Star2 Stars3 Stars4 Stars5 Stars (3 votes, average: 5,00 out of 5)


Der helden minne ir klage - WOLFRAM VON ESCHENBACH