Українська та зарубіжна поезія

Вірші на українській мові






Стихи на страсти Господни

ОтмЂна зЂло страшна, отмЂна напрасна,

ах, глаголом, зрЂнію и слуху ужасна.

Царь неба и всей земли, творец всего міра,

от лютЂйшаго лютым предаємый звЂра,

От Юды треклятаго и юдейским полком,

агнец пренезлобивый кровожадным волком,

Прискорбен єст душею, видя смерти чашу,

плачет крывавым потом, ах, за злобу нашу;

На землю нося грЂхи наши упадаєт,

На небо возвед очи, “Отче!” восклицаєт.

Но нЂст му гласа “Сей єст сын мой возлюбленный”,

не на Фавор бо, но на Голгофу веденный,

НЂсть Петра, гляголюща “Добро нам здЂ быти,

токмо Юда съ вои, ищущими убити;

Тот єго, в нем же лсти нЂсть, лестно лобызаєт,

Тако звЂрообразным жидом предаваєт.

Єго же, веригами связанна, влекоша

По пути и неправым судіам вдадоша.

Єго же неправедно на смерть осудиша,

и по премногих муках на крест пригвоздиша.

Се всяк зри орудіа убийства и муки:

вервь, бич, столп, копіє, желЂзныє руки

Зри, коль злЂ и безчестно за тя пострадавый,

иже тебе славою, честію вЂнчавый.

Зря же сія, восплачи, воздхни, умилися,

каменію бездушну поне вподобися.

Камень, творца умерша зряще, разпадеся,

Земля, ужасу полна, зЂло потрясеся,

Всяка тварь измЂнися и страхом объята,

Ты на крест, муки зряще, ина с креста снята.

Припади и лобызай в гробЂ положенна,

цЂлуй сердцем и усты за тя уморенна.

И вы сЂмо прійдЂте, младыи отрoки,

подробну орудіа пріймЂте жестоки.

Пріємши, пречистому тЂлу предъидЂмо.

Отрок 1-й

Се аз со смиренієм припадаю первы,

и честныя усердно воспріємлю вервы.

Отрок 2-й

С тобою аз воинску воспріємлю руку,

яже первая творцу нача творить муку.

Отрок 3-й

МнЂ бич и розгу взяти повелЂте,

Отрок 4-й

МнЂ со усердієм столп, молю, дадЂте.

[Отрок] 5-й

Аз, поклонся, пріємлю вЂнец сей терновый,

им же бЂ увЂнчанный царь юдейский новый.

[Отрок] 6-й

Я же дадеся Богу поругaнну,

съ страхом пріємлю трость, за скипетр дaнну.

[Отрок] 7-й

Гвозды, ими же руцЂ и нозЂ пронзенны

Ісусовы, пріємлю четверочисленны.

[Отрок] 8-й

Млат, Христа пригвоздивый ко кресту болезно,

с любызанієм вземше, понесу любезно.

[Отрок] 9-й

Аз трости преклоняю главу ми смиренну,

сладцЂ пріємлю желчъю с отцом исполненну.

[Отрок] 10-й

Дражайшую от злата, честнЂйшую сребра,

беру копіє, Христу прободшоє ребра.

[Отрок] 11-й

Аз дерзаю крестноє по вас нести ложе,

на нем же почил єси, творче мой и Боже.

Ab suos (1).

(1) Для своїх (лат.). – Ред.

Пріимше, пречистому тЂлу пред идЂмо,

славя, погребеніи пЂснь всЂ воскликнЂмо:

“Благообразный Іосиф” etc.

[Отрок] 1-й

Внимай, о человЂче всяк благочестивый,

что сотвори юдейскій совЂт нечестивый.

Нощи сынове в нощи Христа яша,

сими немилосердно вервами связаша.

Горе! Связали агнца, незлобива суща,

за тя, о человЂче, на жертву идуща.

СдЂлали на небеси с вервов сЂти, птeнца

уловиша, дЂвыя пречистой первенца,

Єгоже пеленами мягко повивала,

воинска рука верхом твердЂйшим связала.

Вяжется іесъсеов цвЂт сред огорода,

вяжется пречистаго клас Маріи плода.

О, злый Юдо, на Господа ты вервь возлагаєш,

скоро на твоєй выи сам верва дознаєш.

Рекл єси: “Не пріємлю от человЂк славу,

Христе, днесь безчестіє превзыйде ти главу.

Ты власть имЂєш вязати, рЂшити;

почто дал єси себе так уничижити?

Ах, влекут немилостно воинове люти;

сЂмя благословенно падаєт на пути.

В нощ из Єгипта Ізраиль имже изведеся,

Тот Ізраилем в нощи узом предадеся.

О Ісусе, вервами днесь лютЂ связaнный,

да аз ти к люб†буду всегда привязaнный.

[Отрок 2-й]

У первосвященника предста Ісус Анны,

немилостно рукою сею привитанный.

Єго же свято лице, як солнце, сіяєт,

синостію желЂзна рука потемняєт,

Кротко-молчаливаго звучно ударяєт,

проречет ли “За что мя бієш?”, искушаєт.

Всего тЂла молчалив Бог язвы ношаше,

ибо та одеждою прикрыти можаше.

ПресвЂтлаго же лица крыти невозможно,

єгоже та рука, ах, уязви безбожно.

Пять имать перстов, пять ран болших презначаєт,

прежде времени в лице гладко начертаєт.

Нива блага Христос єст – так церков вЂщаєт,

орет рука желЂзна, смерту уязвляєт.

Краєуголн желЂзом ударяєт камень

темный народ, да єго осіяєт пламень

Не видящий истинны, ослЂплен злобою,

поиска ту руками, понужден собою.

О, сладчайший Ісусе, животе всей жизни,

подал єси ланиту на вся укоризны.

Лица ти пресвятаго не возбранил бити,

не возбрани нам в небЂ лице твоє зрЂти!

[Отрок] 3-й

Рука лице Христово поорала зЂло,

бич и розга все свято поорали тЂло.

Ореш, злобо жидовска, но не будеш жати,

ми же оттоль небесный хлЂб будем вкушати.

Казниш благодЂтели, в коєм нЂсть преступства,

Учиш вЂчну премудрость, з своєго си глупства.

Не твоєю силою стоит обнаженный,

но любовію за себе любящих разженный.

Кто ту злости жидовской подаде пораду,

Яко сладкому горку сотвори прохладу.

Ах, не знать пречистаго за язвами тЂла,

углЂбают бич, розги, увы, в плоть до зЂла.

Уже и пресвятыя видятся в нем кости,

яже вся исчетоша з лютой своєй злости.

От верху главы честной до святую ногу

Не оставили мЂста цЂла Христу Богу.

Зри умом, человЂче, на Божія сына,

како в чистой си крови стоит по колЂна,

РцЂ со умиленієм: увы, Божій слове,

За грЂх мой дражайшая кров твоя исплове,

За мя, неблагодарна, горе, увы, горе,

разлися, крове пречиста, аки Чермно море.

Погрузивый во мори 1 фараона роги,

потопи в твоєй крови наша грЂхи многи;

Нас же преведи чистых в землю обЂщанну,

в небесных селеніах всЂм уготованну.

(1) На полі: “понтЂ”.

[Отрок] 4-й

Столп твердый, глава Церкви, Христос, Бог названный,

к сему намилостивно столпу привязанный.

Тщи благословеніє от святую руку,

яже созади вяжут на болшую муку.

Древле в день столп облачен, в нощи же огненный,

был вождом, єгда бяше от плЂна веденны

Ізраили; нынЂ же он столпом плЂни Бога,

єгда к нему привяза. О, коль злоба многа!

Преведе их по суху, они же бродити,

в крови Бога съдЂлали, хотяще убити.

Прійди сЂмо, Іюдо, им же омочися

хлЂб в солило и снЂден, крове Христа впися.

Порази Христа камен уже не в пустыни,

пи убо кров, не воду. О немилостыни!

О како, земле, с столпом непоколЂблешся,

зрящи творца мучима, что не потрясешся?

Люд, иже древле в столпЂ глас от Бога слыша

да не слышит, кровію уста заградиша.

На столпах Соломон-царь кедровых царствуєт,

царь небесный к каменну привязан бЂдствуєт.

О, сладкій наш Ісусе, мудрый Соломоне,

о, прелюбезный Христе, крЂпчайшій Сампсоне,

Изрини столп сей, побій твоя враги,

да погибнит милости твоєй вовЂк наги.

[Отрок] 5-й

Єгда бяше от столпа Ісус отрЂшенный,

разумЂ, яко страстей уже свобожденный.

Но поняже терн в главу глубоко унзаєт,

и Христос “Возвратихся на страсть” восклицаєт.

О, аще бы кто ми дал очесам слез море,

источил бых, толику болЂзнь зряще, вскоре.

Ах, святЂйшіи очи в крови утопают,

лице свято и уши кров’ю заплывают.

Иже царем златыя даєт діадымы

вЂнчаєтся терновым вЂнцем, ах, мучимый.

Терн древесам єст царем, глава, престол Божа,

окровавленна в терни, Бог краснЂєт рожа.

ПресвятЂйшую главу вЂнец окружаєт,

Бог, за круг всего міра, мір да вість, страдаєт,

Глава єго круг міра яко управляєт,

кто вЂсть: терніє ли ту или мір пронзаєт?

Не земля ли прорасти терніє на главу?

Сущи вся подножіє, возносится в славу.

Тернієм ли человЂк да не уязвляєт

ног, ходяще, на главу Бог свою влагаєт.

ИсповЂсть, иже вЂсть о євангелском зeрни,

Христос, зeрно небесено, паде нынЂ в терни.

“В скорби вЂнчан будеши, – глагола, – вЂнцами” –

Ісаїа; нынЂ же зримо всЂ лицaми.

Радостно человЂка честію вЂнчаєш,

Сам поруган, царскую титлу отбираєш.

ИмЂєт кореніє вЂнец в твоєй главЂ,

помни ж о тебЂ данно[й] от человЂк славЂ,

Христе, в терновой руган діадимЂ,

даждь нам небесный вЂнец со святыми!

[Отрок 6-й]

Царь царем, Христос Бог наш, царствуяй во всем міри.

даяй вЂнцы всЂм царем, скиптры и порфири,

В смрадную одЂяся нынЂ багряницу

и на безчестіє трость пріємлет в десницу.

В крЂпости та десница в вЂк єст прославленна,

нынЂ же зиблемою тростію почтенна.

Мы то трость колеблема єсмы человЂцы;

да постоянны будем, Бог держит в десницы.

Образ непостоянства творит род єврейскій,

падающ на колЂна: “Цару іюдейскій,

Радуйся!” – глаголюще, царя же не знают;

не вЂрующе в правду, в злость исповЂдают.

Радуются царіє, царствующе мирно;

ты же, наш царю, плачеш, увЂнчан не смирно.

Пестриш, аки бисером, слезми багряницу,

пловущими сплачливу святую зЂницу.

Что плачеши, єгда ти “Радуйся!” глашают? –

плачет: ибо з словами купно оплевают,

Ударяют во уши, біют у ланиту –

видЂнія доброты нЂст нашему свЂту!

Должны сердцем трястися, покиваша главы,

не вЂдуще, яко єст царь царем царь славы,

Не познаша, єще бо не на θронЂ крестном,

Но в мЂстЂ мученія смрадном и безчестном.

Сему царству никто же завидЂти може;

Зазрят, єгда, пострадав, прославишся, Боже.

[Отрок 7-й]

Сіи суть гвозды четверочисленны,

ими же Христу руцЂ и нозЂ пронзенны,

Ископаша святыи и нозЂ и руцЂ,

прилагающе болшу люти муку к муцЂ.

Иже вседержайшую руку отвергаєт,

благоволнЂ животно всяко насыщаєт,

Тому руцЂ, прибивши, гвоздми удержали,

дабы щедрому Богу щедроту препяли.

Но злобным препятіє не помоществуєт,

пригвожден разбойнику єгда рай дарствуєт.

Матери Іоанна за сына вручаєт,

“Же[но], се сын твой, мати се твоя”, – глашаєт.

Сын погибели творцу руцЂ пригвождаєт,

да спасенія міру не содЂловаєт.

Творит спасеніє всЂх спасти [всЂх] рачитель,

не хощет бо всЂм грЂшным смерти сотворитель.

Пригвожденный рукама землю потрясаєт,

раздираєт завЂсу, всю тварь ужасаєт.

Силен єст вся творити, силен єст вся дати,

в десной богатство, славу, власть имать держати.

Гвоздми, аки ключами, язвы [пропуск в рукописі] (1)

не себЂ же богатство, но нам обрЂтоша.

З ада аз сокровищем тЂм єст искупленный,

искупивый мя, Боже, будь благословенный!

(1) Реконструкція: “прободоша”. – Ред.

[Отрок] 8-й

Сим млатом ко кресту Бог лютЂ пригвожденный,

царь болЂзни на крестном тронЂ посажденный,

СовЂтом нечестивым мерзкаго Пилата,

в нем же не видЂх вины, суди быть распята,

Должен сый умыть руцЂ и язык блядивый,

да зрит и речет “Почто?” на смерть осудивый.

Блядив язык рече-бо: “Власть имам пустити”,

мыслію же желаше на крест пригвоздити.

Царем неба наказан в снЂ, не наказався,

земному-бо кесарю лучше увЂрявся.

Сіє, о человЂче всякій, да внимаєш,

иже наказаніє сон себЂ вмЂняєш

Сим млатом на каменном начертати сердци,

им же краєуголный трут камень мордерцы.

Дражайшій адамант сим млатом искушенный,

в кров си агнчу омочен стался сокрушенный.

Сокрушенно и сердце мати имЂше,

єгда звук сего млата гвоздяще слышаше,

Сколь ударов, столь мечей имЂяше в сердци,

єгда немилостивно распяша мордерцы.

Рай мысленный, Ісус наш, даяй плод вовЂки,

с четырех язв четыре источил нам рЂки.

ИмЂєш, человЂче, весло – млат желЂзный,

мЂєш четыре рЂки плысти к вИчной жизни;

Токмо четыри в умЂ имЂй непрестанно:

смерть, суд, пекло и царство добрым зготованно.

[Отрок] 9-й

В[в]есь сладость, желаніє, Ісус возлюбленный,

горестію чрез сію трость єст напоєнный.

Напоивый сладкою водою в пустыни,

горку желч пієт и оцет. О, немилостыни!

НынЂ Ісус горести міра дознаваєт,

в ней же неисходимо весь мір почиваєт.

Не токмо желч и оцет, но и яд в нем смертный,

єго же сам вкусивши, Бог умре безсметный.

Море упиваяйся сладости потоком,

от обилія дому, єго же в жестоком

Питіи в желчи, отцту яды растворяєш,

вся страсти Бог понесе, ты сим умораєш.

Не рекл “Совершися!” на крест пригвожденный,

дондеже твоим ядом не был напоєнный,

Не вЂси ли, о міре, чего Бог жаждаєт,

да человЂк слезами жажду утоляєт.

Подражай, человЂче мудрой МагдалинЂ,

рцы, яже она прежде слова рекла, нынЂ.

Ах, “Жажду!” – гласиш, но вод не дают опоки (1),

єдины з очес слезы текут; пій слез токи!

(1) Казус: у ярославському виданні слово “опоки (тобто “каміння”, “камені” “скелі”) перекладено в підрядковій примітці на сторінці 9 як “пьяницы”! – Ред.

[Отрок 10-й]

Трость [пропуск у рукописі] Христа уморило

копіє з смертна вЂчну нам жизнь отворило,

Дражайше сокровище над злато и сребро,

єже Ісусово нам днесь источи ребро.

Да узрят человЂцы, что Бог всЂєт,

восхотЂ, да копієм воин то открыєт.

Не жезлом, но копієм камень пораженный,

источи нам ток жизни Ісус возлюбленный.

Противу єстества Бог писца себЂ маєт,

в книзЂ живота смертно писмя начертаєт.

Вышше єстества, яко воин ослЂпленный,

вЂчный живот написа, и бЂ просвЂщенный,

ТЂла и ума оком злости ослЂпися,

потом обоим зраком ясно просвЂтися,

Горкую вдати язву Христу, розъяренный,

сладости исполнися, сущи просвЂщенный.

О, пресладкий Ісусе, сам горесть вкушаєш,

нам же несказанную сладость источаєш.

Сладость, но не всЂм сладость єст, горесть невЂрным,

паче меда и сота нам єст, правовЂрным.

Гоняй гоними в мири, єгда гладом таєм,

сим копієм мед сладкий в пищу нам достаєм.

Не предаждь нас, Ісусе, не зрЂти тя гладу

и не пошли нас во огнь ко вЂчному аду.

Да угаснет геєнна чрез кров ти и воду,

вЂрным от нея вЂчну чрез кров дай свободу!

[Отрок 11-й]

ВсЂ мимоходящіи, болЂзнь Христа зрЂте,

аще болЂзнь, як болЂзнь єго єст, смотрЂте.

РцЂте умом на крестно Ісусово ложе,

како на нем почил єст, кто изрещи може?

Гвоздми млаты положен, да не разорится;

ах, кому сіє ложе не страстноє мнится!

Терн вмЂсто подглавія, на гвоздь руцЂ, нозЂ

возложили, да уснет Бог наш на премнозЂ.

Ах, ложе не мягкоє, ах, остроє ложе,

на нем же зпочил єси болЂзненно, Боже!

Аз з рая за преступство древом бЂх изгнанный –

ты мене в рай воводиш, к древу прикованный!

Обнажихся змія прелестным совЂтом –

ты, наг, мя окрываєш, одЂяйся свЂтом!

Препял єси пучины мира, суєтств полны,

крест ти днесь пристанище пресвятый мира волни

Дотоль не мЂл єси гдЂ главы приклонити,

здЂ со миром безмирным изволил почити.

Мир безмирен до смерти желчю уморают,

з смертнаго сна копЂем острым возбуждают.

О, болЂзни лютоя, кто изрещи може,

яже за мя грЂшнаго терпЂл єси, Боже!

Зрящи сія, человЂк всяк, да разсуждаєш,

да не к тому ко страстєх страсти прилагаєш:

Не вяжи Бога, себе, на зло выуздивый,

не бий в ланиту, хищать чуждоє жадивый;

Не осуди на розги, судія неправый,

. . . . . . . . . . . . . . . . . . . . . . . . . . . . (1)

(1) Пропущено рядок.

Не вяжи ко каменю, сердцем скамененный,

не пронзай главы тернєм, гордо вознесенный,

Не давай трости в руку, сый непостоянный,

царем юдским, не зови, лестію напханный,

И не заплевай очес скверными словами,

не заушай, хищаяй чуждоє руками,

Безстудную во очах [имЂяй] зиницу,

не возлагай на Бога смрадну багряницу;

Не распинай на крестЂ живи[х] самоволно,

не пой желчію, сладость вкушаяй доволно;

Не прободай впослЂдок копієм сердца,

буди сердцем милостив, не лютый мордерца.

Понесе Христос язвы за вся злая дЂла –

о, кто силу болЂзни исповЂсть дозЂла?!

Пер› съчтутся звЂзды на небесном двори,

пер› дробны капли исчислятся в мори,

Никтоже сего может изчислити в жизни,

кая страсти Бог за ны терпЂв и болЂзни.

ДовлЂєт страсти и крест всЂм во умЂ мЂти,

на нем же Бог изволил за нас всЂх умрЂти.

На крестЂ спасеніє наше умираєт,

кромЂ креста спасенія да никтоже чаєт.

1 Star2 Stars3 Stars4 Stars5 Stars (1 votes, average: 5,00 out of 5)

Стихи на страсти Господни - ТУПТАЛО ДМИТРО