Українська та зарубіжна поезія

Вірші на українській мові







Ez meiet hiuwer aber als ê

“Ez meiet hiuwer aber als ê.
von dem touwe”,
sprach ein frouwe,
“springent bluomen unde klê.
nahtegal diu singet ûf der linden
ir suezen sanc.
Merze vor den reien spranc:
bî dem sult ir mich vinden.”

‘Tohter, wende dînen muot
von dem touwe!
ganc her, schouwe:
disiu mære sint niht guot.
warne dich engegen dem scherpfen winder!
(wilt aber hin,)
ahte niht ûf Merzen sin:
des rede drinc hin hinder!

Und reie alsô, swiez dir ergê,
ob er dich triege,
daz ein wiege
vor an dînem fuoze iht stê!
sich, sô wirt dîn froude harte kleine
und mac geschehen,
sô dû bluomen wellest sehen,
daz nâch dir iht weine.’

“Muoter, ir sorget umbe den wint.
mirst unmære
solhiu swære:
wîp diu truogen ie diu kint.
ich will mîner froude niht enlâzen
durch iuwern rât.
reichet mir mîn liehte wât:
diu wiege var verwâzen!”

Nu hœrent, wie ez ir ergie!
si biegen beide
dô mit leide.
diu muoter einen rechen vie:
den begreif diu tohter bî der grœze.
si nam zehant
in der alten ûz der hant.
Dô gienc ez an die stœze.

1 Star2 Stars3 Stars4 Stars5 Stars (2 votes, average: 3,00 out of 5)


Ez meiet hiuwer aber als ê - NEIDHART VON REUENTAL