Українська та зарубіжна поезія

Вірші на українській мові






Anna du anfenklichen bist verendert und christlich corrigirt

1525.

1.

Ciste, du anfenklichen bist
ein wurzel unser selikeit;
Aus deinem tot gewachsen ist
ein ewig werend sicherheit
Zu dem vatter, gen dem wir ser
uns versunden teglichen:
o sun Davit, du fur uns trit,
versun uns miltiklichen.

2.

Criste, du einiger troster
aller betrubten herzen,
Zu dir all cristen rufen ser,
das du uns helfst aus schmerzen.
Der feinde streit gen uns aus neit
all tag gar listiklichen:
o sun Davit, du fur uns trit,
hilf kempfen ritterlichen.

3.

Criste, du von gotlichem stam,
von got vatter geboren,
Der zu uns her auf erden kam,
auf das nit wurt verloren
Wer in dich glaubt; des bist ein haubt
aller Cristgelaubichen:
o sun Davit, du fur uns trit,
dir sei lob ewiklichen!

1 Star2 Stars3 Stars4 Stars5 Stars (2 votes, average: 3,50 out of 5)

Anna du anfenklichen bist verendert und christlich corrigirt - HANS SACHS