Українська та зарубіжна поезія

Вірші на українській мові






We dir, von zweter Regimar!

We dir, von zweter Regimar!
du núvest mangen alten vunt,
du speltest als ein milwe ein har,
dir wirt vs einem orte ein pfvnt,
ob din liessen dich niht trúget.
dir wirt vs einem tage ein iar,
ein wilder wolf wirt dir ein hvnt,
ein gans ein goch, ein trappe ein star,
dir spinnet hirz dur dinen mvnt,
wa mit hast dv das erzúget?
ein lug dur dine lespe sam ein slehtú warheit vert,
dv hast dien vischen hvesten, krebsen sat erwert.
bi dir so sint drú wundertier:
das ist der git, has vnde nit.
dv doene dieb!
dv prueuest ane malz ein bier.
supf vs! dir ist ein leker lieb,
der den herren vil gelúget.

1 Star2 Stars3 Stars4 Stars5 Stars (2 votes, average: 2,50 out of 5)

We dir, von zweter Regimar! - DER MARNER